【居住問題】家姐誕B後與老公搬回公屋娘家 弟弟呻被鵲巢鳩佔憂被迫走 「好似我欠咗佢哋成家」

本港樓價高企令市民難以「上車」，部分年輕人婚後更需與家人蝸居細小單位，容易引發爭端。一名港男在網上吐苦水，指姐姐自誕女後嫌奶奶家太逼，於是與丈夫、女兒一同搬回公屋娘家，後再誕子；其父見狀讓出房間遷居內地親戚家，剩下他與姐姐一家四口同住。對此，他大呻自己在家中受氣，人工不高的他更擔心連唯一棲身之所也會被搶走，「成家好似我欠咗佢哋，佢哋就日日一家四口好溫馨。」

該名港男昨日（24日）在網上討論區「連登」發帖，指自己月入一萬頭，母親已經離世，姐姐婚後遷到奶奶家，因此只剩他與爸爸同住公屋單位。但至兩年前姐姐誕下女兒後，因為覺得奶奶家太逼，於是便與丈夫、女兒搬回娘家；父親見狀後，遂讓出房間遷居內地親戚家。其後，姐姐與姐夫再添一子。

「成家當我無到……見佢哋有細路我就咩都要就晒佢哋。」事主續指，他在自己家中變成「局外人」，亦受盡姐姐一家的氣，

「一開始話搬入嚟，見佢哋咁辛苦又逼又要受佢奶奶氣，結果最後係我要受氣，我除咗去廁所我都唔會出房，成家好似我欠咗佢哋。佢哋就日日一家四口好溫馨，得閒就叫朋友上嚟happy。」

他指出，甚至之前公屋免租一個月，姐姐一家都要他支付「房租」；被他拒絕後，「佢哋當我係X街」。對此，他有感被鵲巢鳩佔，擔心連唯一棲身之所也會被搶走，

「無女無錢無才華，連最後有嘅空間都要畀人搶走......佢哋去邊到玩有得揀，我屋企得一個無得揀。」

由於除了姐姐外，姐夫及小朋友們全部均沒單位戶籍，因此他正在猶豫是否要向房署告發，「想一拍兩散……（姐姐）老公有車月入應該超晒標，如果我篤晒出嚟我會無屋住定搬細屋？……可以嘅話我寧願收走間大屋換做細屋。」不過，他又怕被告發後自己連細屋都失去，

「自己人工低，直接畀人收走間屋唔畀間細屋嘅話，我就無後路可能要瞓街。」

此事引來網民熱議，不少人對其狀況表示同情，「你家姐姐夫擺明要踢你走，你老豆都識趣返大陸，你仲唔閃」、「擺明想趕你走，跟住食埋間公屋，見唔少咁嘅case」。有網民更建議：「依家一屋難求，個個都會為屋打生打死，巴打可以check吓個名單有邊個名，同屋主係咪仲係老豆名。如果係，叫你老竇搬番嚟住呀。如果唔係分分鐘有日換咗門鎖返唔到屋企。」

房署小資料

事實上，如果與同住家人關係欠佳不欲同住，公屋住戶可考慮申請分戶。根據房屋署的公屋「分戶政策」，租戶如家庭成員之間存在嚴重且根深柢固的不和，或具其他合理而值得體恤的理由，房委會會按其特殊情況作出考慮，並在有需要時轉介予相關政府部門／機構進行評估及推薦。

如提出分戶要求，除有合理而值得體恤的理由外，住戶須符合下列條件：

延伸閱讀：

【居住問題】兩名成年兒子正求學沒收入 港媽欲與丈夫離婚 苦惱居住問題：公屋歸邊個？【查看詳情】

【居住問題·上集】家姐結婚想老公搬入一齊住 港女怕被趕走盼母親「企硬」：生埋B就無㗎喇【查看詳情】

【居住問題·下集】兄長婚後大嫂遷入兼生B 港男慘做廳長瀕臨被趕走 欲搬離減家用反被父親責罵【查看詳情】

每朝索取《晴報》：精明生活．健康家庭．開心娛樂

責任編輯：李凱晴